نكتة مغربية.....مايفهمها غير المغربي الحر..........

قاليك آسيدي واحد الاستاد سول التلاميذ ديالو قال ليهم عطيوني إسم شي حيوان رخوي (بدون عضام) نقز واحد جالس اللور قاليه كفتة.
--------------------------------------

-قاليك آسيدي واحد الاستاد آخر سول التلاميذ ديالو قال ليهم عطيوني إسم شي حيوان برماءي نقز واحد جالس اللور قاليه كسال.
----------------------------------------

- قاليك آسيدي واحد باع التلفزه ديالوأو شرا فيديو.

---------------------------------------------------------------
-قاليك آسيدي واحد الولد تصاحب مع واحد البنت أو عطاها نمرة ديالو أو قاليها قبل مايمشي نتلاقو في L'après-midi قالت ليه لا كاي يجلس فيها خويا.
--------------------------------------------------------------------------------------------
قالك هادا واحد جوج شمكارة مبوقين ملقاوا مايديروا ... قالوا اجي ندفعوا هاد الحيط ... ايوا بقاوا كيدفعوا .. كيدفعوا .. والوا ... مشاو حيدوا لحوايج باش يخفافوا او يقدروا يدفعوا مزيان ...ايوا رجعوا يدفعوا عوتاني ... ولكن في غفلة تشفروليهم الحوايج اوهما ما عايقينش ... واحد لوقيتة دار واحد او مالقاش الحوايج ..او هو يقول لصاحبو :
-حميدة بقينا كندفعوا حتى بعدنا بزاااااف ...



--------------------------------------------------------------------------------


قالك هادا واحد القسم فيه 40 تلميذ .... سولهم الأستاذ واحد السؤال ... حتى واحد ما عرفوا .. بقاوا غير كيبقوا فيه ... الأستاذ كعى هو يقولهم : عندي 40 حمار فهاد القسم
نقز واحد الكاسول قاليه:لا آأستاذ راه كاين 41 حمار...
الأستاذ جعر او هو يخرجوا من القسم ... المهم التلميذ خرج او هو يطل عليهم من الشرجم قاليهم : ايوا دابا كاين 40 حمار.



--------------------------------------------------------------------------------


قالك هاد واحد الأستاذ كيقري فلعروبية جبدليهم مورتاديلا او سولهم : ما هذه
ايوا نقز واحد الكاسول من اللور قاليه : كومة (ممحاة)ديال 16 dh.



--------------------------------------------------------------------------------


قالك هاد واحد خيينا طلع لطوبيس او مابغاش يخلص قاليهم : أنا راه مصيفطني جورج بوش ... هي هاديك ... خلاوه ايريح .. جا واحد آخر موراه حتى هو ما بغاش يخلص ...
قالوليه : هداك مصيفطوا جورج بوش اونتا مالك ...
قاليهم : او الله ما صيفطتوا ...



--------------------------------------------------------------------------------


قالك هاد واحد خيينا كينسى دغيا ... مشا لمكتبة بغى يشري ستيلوا:شي ستلوا الله يخليك

قاليه مول المكتبة: كيداير..؟
جاوبوا : لا باس الحمد لله ...

----------------------------------------------------------------------------------------------
هذا واحد المعلم سول التلاميذ ديالو . ماهي اصغر حشرة في العالم . حتى واحد ماعرف .هو يلقى واحد 2 كسالى اللور كيلعبو كارطا . هو يبغي يحصلهم .

انتما ماهي اصغر حشرة في العالم ..

جاوبو التلميذ الاول . قرموشة .

المعلم .اشنو هي هاذ قرموشة.

التلميذ الاول. هاذي واحد الحشرة كتعيش فنيف نتاع الديب.

المعلم . ماعمري ماسمعت عليها تقدر تكون .او انتا -الخطاب للتلميذ الثاني-ماهي اصغر حشرة في العالم ..

التلميذ الثاني. خرموشة ا ستاد

المعلم .اشنوهي هاذ الخرموشة.

التلميذ الثاني. الخرموشة هي حشرة كتعيش فنيف نتاع قرموشة

أنتظر ردودكم